Bakit kaya, bakit ka ba naghihintay
Na himukin pa, pilitin ka ng tadhana
Alam mo na kung bakit nagkakaganyan
Lumulutang, nasasayang ang buhay mo
At ang ibinubulong ng 'yong puso
Natutulog ba ang Diyos, natutulog ba?

At ikaw ay kaagad sumusuko
Konting hirap at munting pagsubok lamang
Bakit ganyan, nasaan and iyong tapang
Naduduwag, nawawalan ng pag-asa
At iniisip na natutulog pa
Natutulog ba ang Diyos, natutulog ba?

Sikapin mo, pilitin mo
Tibayan ang iyong puso
Tanging ikaw ang huhubog sa iyong bukas
Huwag mo sanang akalaing
Natutulog ba ang Diyos?
Ang buhay mo ay mayroong halaga sa Kanya

Dapat nga ba na ikaw ay maghintay
At himukin pa, pilitin ka ng tadhana
Gawin mo na, kung ano ang nararapat
Magsikap ka at magtiwala sa Maykapal
Nakahanda ang Diyos umalalay sa 'yo
Hinihintay ka lang, kaibigan

Sikapin mo, pilitin mo
Tibayan ang iyong puso
Tanging ikaw ang huhubog sa iyong bukas
Huwag mo sanang akalaing
Natutulog ba ang Diyos?
Ang buhay mo ay mayroong halaga sa Kanya